რჩევები რითეილ მაღაზიების სეილსმენებს

ამ სტატიაში მინდა ვისაუბრო რამდენიმე რჩევაზე, რომელიც დაეხმარება რითეილ გაყიდვების სეილსმენებს გააუმჯობესონ მათი გაყიდვების შედეგები. 
სამწუხაროდ რითეილ გაყიდვების სფერო საქართველოში დაბალ დონეზეა განვითარებული. სეილსმენების უმეტესობა დემოტოვირებულია. ისინი თვლიან, რომ მუშაობენ რითეილ გაყიდვებში იმიტომ, რომ მათ უბრალოდ არ გაუმართლათ და სხვა გამოსავალი არ ჰქონდათ გარდა მაღაზიაში მუშაობისა. ამის მთავარი მიზეზი უშუალოდ კომპანიებია, რომლებიც სამწუხაროდ, სათანადოდ არ აფასებენ სეილსმენებს. ამ პროფესიას სწორედ არ აფასებენ თვითონ სეილსმენებიც, არადა ეს სფერო არის ნებისმიერი ბიზნესის ლოკომოტივი და სწორედ ამ სფეროშია შესაძლებელი ყველაზე სწრაფი კარიერული წინსვლა. გადავიდეთ სხვადასხვა რჩევებზე:

როგორ უნდა მოვიქცეთ, როცა კლიენტი გვთხოვს იმ ბრენდის პროდუქციას, რომელიც ჩვენ არ გვაქვს? ამ დროს სეილსმენის ქცევა უნდა იყოს ძალიან მარტივი, მან უნდა იკითხოს თუ რატომ უნდა კლიენტს ამ ბრენდის შეძენა და პასუხიდან გამომდინარე შესთავაზოს მას ალტერნატიული ვარიანტი, რომელიც უპასუხებს მათ მოთხოვნებს. ეს არ არის ერთ-ერთი მაგალითი იმისა თუ როგორ შეიძლება გამოიყენო კლიენტის მიერ მოწოდებული ინფორმაცია გაყიდვების წარმატებისათვის. ამიტომ დაუსვით შეკითხვები კლიენტებს და მოუსმინეთ გულმოდგინედ, რაც მეტს მოგიყვებათ კლიენტი, მით მეტად გაგიადვილდებათ მისთვის პროდუქტის მიყიდვა.

გახსოვდეთ, რომ მაღაზია არის პროდუქტების თეატრი, თქვენ კი, როგორც სეილსმენი, სპექტაკლის მთავარ როლში ხართ, ამიტომ თქვენი ქცევა უნდა იყოს ბოლომდე დახვეწილი და მიმართული მთავარი ამოცანის - გაყიდვების მაქსიმიზაციისაკენ. აგრეთვე ხაზს გავუსვამ იმ ფაქტს, რომ თეატრში წარმატება რეპეტიციების გარეშე წარმოუდგენელია. შესაბამისად სეილსმენმაც დიდი ხანი უნდა დაუთმოს თავის როლის სწავლას და მომზადებას. გახსოვდეთ, რომ თუ მომხმარებელს არ მოსწონს სპექტაკლი ის არ დაელოდება მის დასრულებას, იგივე სიტუაციაა მაღაზიაშიც.

ადამიანის მიერ მიღებული გადაწყვეტილება ამა თუ იმ პროდუქტის ყიდვასთან დაკავშირებით არის ყოველთვის ემოციური. თუ მომხმარებელი ვერ იღებს გადაწყვეტილებას ე.ი სეილსმენის ენთუზიაზმი არ არის საკმარისი და მან ვერ მოახერხა საჭირო რაოდენობამდე მომხმარებლის ემოციების გაზრდა. მას შემდეგ, როცა ადამიანი შეიძენს პროდუქტს ის აფასებს თავის გადაწყვეტილებას და ცდილობს მოძებნოს ლოგიკა თავისი ქმედების გამართლებისათვის. თუ მან ეს ლოგიკა ვერ წარმოადგინა ის იფიქრებს, რომ სეილსმენმა "შეტენა" პროდუქტი. შედეგად კლიენტი განაწყენდება და აღარასდროს დაბრუნდება იმ მაღაზიაში. სეილსმენმა კლიენტისათვის პროდუქტის პრეზენტაციისას განსაკუთრებულად უნდა გაამახვილოს ყურადღება ლოგიკაზე იმისათვის, რომ მან მარტივად მიიღონ გადაწყვეტილება, თუმცა ყოველთვის მაინც უნდა გაყიდოს ემოციებით. არსებობს ერთი გამონაკლისი ამ წესიდან. როდესაც მანდილოსნები ყიდულობენ ფეხსაცმელს, ისინი გადაწყვეტილებას იღებენ რა თქმა უნდა ემოციებით. თუმცა ისინი არ ცდილობენ, რომ მოძებნონ თავისი გადაწყვეტილების ლოგიკა და გამართლება.